Поранешната германска канцеларка Ангела Меркел во интервју за унгарскиот портал Partizan изјави дека Полска и балтичките држави придонеле за руската агресија врз Украина, бидејќи се спротивставиле на нови директни преговори меѓу ЕУ и Владимир Путин по пропаѓањето на Минските договори.
„Во 2021 почувствував дека Путин повеќе не ги сфаќа Минските договори сериозно и затоа сакав нов формат со директни разговори. Но Полска и балтичките држави беа против“, рече Меркел, додавајќи дека тоа го отворило патот кон војната.
Нејзиниот став предизвика бурни реакции во Полска. Пратеникот од владејачката партија Право и правда Павел Јаблонски изјави дека „скандал е благ збор“ и побара Меркел трајно да биде прогласена за „персона нон грата“.
Тој ја нарече „најпроруската политичарка во историјата на ЕУ“, обвинувајќи ја за политика која ѝ донела најголема корист на Москва, дури повеќе и од поранешниот канцелар Герхард Шредер.
