Водовод: Саниран дефектот во Влае, притисокот постепено се стабилизира

Екипите на ЈП „Водовод и канализација“ го санираа сериозниот дефект на водоводната цевка со пречник од 600 милиметри на улицата Франце Прешерн 100Д во скопската населба Влае.

Од Центарот за управување со кризи информираат дека повеќе нема истекување на вода, но поради големата количина изгубена вода, стабилизирањето на притисокот ќе трае извесен период.

Поради дефектот, без вода останаа делови од Ѓорче Петров, Влае, Карпош и други населби во Скопје, а на некои локации беше забележан намален притисок во водоснабдувањето.