Македонија

Антициклон над источна и североисточна Европа е кривец за ладното време кај нас

Граѓаните и тоа како се изненадени оваа година од раното доаѓање на ладното време и поранетиот снег, како и порано започнатата грејна сезона. Токму поради ова од моја страна решив да дадам анализа и информација зошто токму олку рано имаме невообичаено ладно време за почетокот на месец октомври.

Веќе со денови над североисточна и источна Европа е стациониран Антициклон, односно поле со висок воздушен притисок и стабилно и суво време. Токму овој Антициклон условува слободно од север кон нашите предели да се спушта многу ладен воздух кој е невообичаен за почетокот на месец октомври. Кога ладниот воздух ќе пристигне до Средоземјето секундарно доаѓа до формирање на циклонски систем (поле на низок воздушен притисок) . Поради големата влага во овој дел од Европа изминативе денови Балканот беше погоден од обилни снежни врнежи кои освен на планините ги имаше и во дел од местата со помала надморска височина.

Токму овој циклон услови на планините во Црна Гора и Србија локално да наврне и над половина метар снег. Снегот и тоа како создаваше проблеми деновиве во регионот како да сме во среде зима. Овој е многу редок феномен кога ладното време и зимата започнуваат многу порано, но сепак се случувало и многу одамна кога сме имале навистина многу ладни и снежни зими.

МетеоАларм

Македонија

Божиновска присуствуваше на шведската прослава на светлината

Вечерва Сања Божиновска присуствуваше на традиционалниот концерт во чест на Санта Луција, кој го организираше Шведската амбасада. Празникот е симбол на светлина, топлина и надеж во најтемните нордиски ноќи.

„Секогаш е убаво кога една традиција носи порака која допира подалеку од границите – дека светлината ја создаваме самите, и дека најмногу ни е потребна токму во студените, тивки моменти од годината“, изјави Божиновска.

Таа изрази благодарност до амбасадата за прекрасната атмосфера и можноста да ја почувствува оваа уникатна шведска традиција, која најавува доаѓањето на Божиќ со радост, музика и светлина.

Македонија

Сообраќајот на Евзони повторно во прекин од 17 часот

АМСМ информира дека од 17 часот повторно е блокиран сообраќајот на Граничниот премин Евзони (ГП Богородица).

Според последните информации, сообраќајот на државните патишта се одвива непречено, по суви коловози и со умерен интензитет надвор од градските средини. На македонските гранични премини нема подолги задржувања за влез или излез од државата.

АМСМ апелира до возачите да возат со прилагодена брзина, да ја почитуваат поставената сигнализација и да бидат особено внимателни на патиштата низ котлинските и клисурните делови, каде што постои ризик од одрони. Најкритични се делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

Студентите имаат уште десет дена за апликација за ваучери

Министерството за дигитална трансформација потсетува дека студентите имаат рок до 20 декември 2025 година да аплицираат за ваучери за електронски уреди.

Досега се доделени 42.606 ваучери, од кои 27.426 веќе се искористени. Во рамките на владината програма, предвидени се вкупно 55.000 ваучери за студенти на додипломски студии запишани во учебната 2025/26 година.

Ваучерите можат да се искористат најдоцна до 31 декември 2025 година.