Под влијание на релативно ладен бран кој се спуштат од север, денес и утре (7/8 октомври) во нашата Република Македонија ќе дува засилен, повремено силен ветер од северен правец (повремено и локално со брзина од над 65 км/час). И во Скопје и околината ќе дува засилен, повремено силен ветер од северен правец, во делови од котлината повремено со брзина од над 65 км/час.
Времето ќе биде променливо облачно со повремени локални врнежи од дожд а на планините со надморска височина од над 1600 метри ќе има повремен снег. И во Скопје и околината ќе има услови за повремен локален дожд а на околните високи планини ќе има услови за провејување на снег.
Температурите овие два дена во нашата Македонија ќе се искачуваат во интервалот од 8 до 16 степени а во Скопје и околината температурата ќе се искачува до околу 12 степени.
Поради силниот ветер овие два дена, апелирам граѓаните да внимаваат каде се движат и да ги заштитат своите автомобили, односно да не ги ставаат во близина на дрвјата, особено оние дрвја кои што се стари и осамени.
