Црна Хроника

Пукање во Куманово: Едно лице повредено

Едно лице е повредено попладнево во центарот на Куманово, откако врз него било пукано од возило во движење.

Според информациите од МВР, повредениот е З.Ш. (43) од село Слупчане, општина Липково, кој веднаш е пренесен во кумановската болница за укажување лекарска помош.

– Денеска во 13:54 часот во СВР Куманово е пријавено дека на крстосницата од ул. „Димитрије Туцовиќ“ со ул. „11 Октомври“ две лица во движење од огнено оружје пукале кон патничко возило „Фолксваген Голф“, управувано од З.Ш., кој се здобил со повреди и бил пренесен во болницата за помош, се наведува во соопштението од МВР.

Полициски екипи се на терен и вршат увид, а заради безбедност улицата „11 Октомври“ е блокирана. Во близина на местото на инцидентот се наоѓаат важни институции, меѓу кои судот, полицијата и поштенската служба.

Црна Хроника

Автомобил со американски таблички излетал од коловозот кај Кичево: една жена тешко повредена

Рано утрово, околу 03 часот, на магистралниот пат Гостивар–Кичево, во близина на селото Трапчин Дол, патничко возило „Волво“ со американски регистарски ознаки излетало од коловозот, информираа од ОВР Кичево.

Возилото го управувал Ф.А. (32) од Кичево, кој во несреќата се здобил со телесни повреди. Сериозно повредена е сопатничката А.З. (25) од Кичево, кај која биле констатирани тешки телесни повреди во Медицинскиот центар Кичево.

На местото на настанот извршен е увид од увидна екипа на ОВР Кичево, а причините за сообраќајката дополнително се утврдуваат.

Црна Хроника

Тројца приведени по физички напад во Тетовско

На 07.12.2025 во 04:00 часот во с.Желино, полициски службеници од ПО Групчин и ПС Тетово, ги лишија од слобода А.Ф.(37) и Ќ.Б.(33), двајцата од с.Желино и С.И.(46) од с.Требош, кои биле пријавени од И.К.(37) од с.Прељубиште дека во угостителски објект во с.Желино физички го нападнале. Исто така, според пријавеното, И.К. на паркингот на објектот оштетил две паркирани возила. По документирање на случајот ќе биде изготвен соодветен поднесок.