При изведување градежни работи на автопатот Гостивар–Кичево, на 25 март 2025 година, при минирање на карпи на локалитет во селото Бањица, поголема карпа паднала врз фабрика за цигли, при што била оштетена и цистерна сопственост на фабриката, соопшти полицијата.
Надворешната канцеларија за криминалистички работи Гостивар поднесе кривични пријави против подружници на два странски правни субјекти поради постоење основи на сомнение за сторено кривично дело „Предизвикување општа опасност при градежни работи“.
Полицијата посочи дека инцидентот создаде општа опасност за фабриката и нејзината околина, при што ќе следат понатамошни истраги и правни постапки.
