Украинските сили ги прилагодуваат своите тактики за да го надоместат бројчениот недостаток и да ги минимизираат загубите, покажува извештајот на „Атлантик“ од фронтот во источна Украина. Дури и со ограничен број војници, Украина користи комбинација од прецизни удари, беспилотни летала и тактичка дисциплина за да им нанесува значителни штети на руските сили.
Командантите истакнуваат дека главната цел е зачувување на животот на сопствените војници. „Целта е да се спречи директен контакт, за нашите војници да не мора да се вклучуваат во блиска борба“, вели еден украински офицер.
Русија, која долго веруваше дека времето ќе ѝ биде на страна, сега се соочува со неуспех во обидите да го пробие „појасот на тврдини“ во североисточна Украина. Според „Атлантик“, барањето на Путин Украина „доброволно“ да ја предаде територијата е тивок знак за признавање на неуспехот.
Украинските сили користат и копнени дронови за испорака на залихи и евакуација на ранети, додека команданти како Стари управуваат со операции од напредни командни центри опремени со софтвер и технологии. Една од единиците пријавила дека еден од операторите на дронови уништувал околу 200 руски војници за една година.
Репортерите забележуваат дека војната со дронови носи „морничава блискост“ — едно притискање на тастатурата може да значи живот или смрт. Украинските офицери, како полковникот Леонид Маслов, наведуваат дека процесот на селекција на цели и следење на бојното поле е суров, но неопходен.
Истовремено, напнатоста и омразата кон Русите расте меѓу населението, при што маички со натписи „Убиј го Русинот“ станаа честа појава. Главниот лекар на полска болница во близина на Харков вели дека Украинците го изгубиле сочувството заради војната.
И покрај сè, командантите уверуваат дека украинската посветеност е неизмерна. „Војуваме со Русите триста години. Ќе издржиме уште некое време“, вели командантот со повикувачки знак YG, нагласувајќи дека борбата продолжува со истата решителност.
