Република

Лишени се од слобода возачи во Тетово и Битола за управување возила под дејство на алкохол, во ресенско е запрен возач од Албанија, управувал возило со повеќе од двојно поголема брзина од дозволеното

На 08.10.2025 во 15:40 часот, полициски службеници од СВР Тетово го лишија од слобода Х.М.(37) од с.Врањовце, гостиварско. Претходно, тој со неговото патничко возило „фолксваген голф“ со гостиварски регистарски таблички на ул.„Страшо Пинџур“ во Тетово учествувал во сообраќајна незгода со друго возило „голф“ во која била причинета само материјална штета. При преземање мерки и вршење увид констатирано е дека тој е под дејство на алкохол, односно измерени му се 2,20 промили алкохол во крвта.

На 08.10.2025 во 21:23 часот на ул.„Филип Втори Македонски“ во Битола, полициски службеници од СВР Битола го лишија од слобода Д.Т.(43) од Прилеп. При контрола во сообраќајот, полициските службеници запреле возило „опел“ со прилепски регистарски ознаки и при извршено алкотестирање констатирано е дека Д.Т. возилото го управувал со 2,29 промили алкохол во крвта.

На 08.10.2025 во 10:50 часот на на регионалниот пат Ресен – с.Стење, кај с.Горно Перово, полициски службеници од ОВР Ресен при контрола на патниот сообраќај констатирале дека С.Л.(34) од Албанија управувал патничко возило „бмв” со албански национални ознаки со брзина од 100 километри на час на место каде со сообраќаен знак брзината е ограничена на 40 километри на час.

По целосно документирање на настаните, против нив ќе бидат поднесени пријави по член 297-а од Кривичниот законик – „безобѕирно управување со моторно возило”.

Република

ВИДЕО: Битола секоја година се поубаво украсена

Битола повторно ја облече новогодишната светлина и ја отвори вратата за празничната магија што ја прави препознатлива. Улиците, плоштадите и сцените каде што и оваа година ќе се одвива „Зимската приказна“ засветкаа во празничен сјај, носејќи радост и топла атмосфера за граѓаните и посетителите.

Новогодишното украсување донесе свежа енергија и чувство на празнична возбуда низ целиот град, создавајќи амбиент кој секоја година изгледа сè поубаво и повпечатливо. Битола и овој декември е подготвена да ги пречека гостите со светлина, музика и празничен дух.

Со видео ви пренесуваме дел од атмосферата од градот под Пелистер, кој е подготвен за уште едно ново издание на предновогодишната програма „Зимска приказна“, на радост на сите генерации.

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.