Република

ВИДЕО: Проданоски најави нов лик на Прилеп: „Град со ред, убавина и душа“

Дејан Проданоски, кандидат за градоначалник на општина Прилеп, вечерва ги претстави своите планови за трансформација на градот истакнувајќи дека целта е Прилеп да стане функционален, уреден и достоинствен град

„Време е Прилеп да добие нов лик Со јасен план за сообраќај, уредени јавни простори и обновена стара чаршија, ќе го направиме град со ред, убавина и душа“ изјави Проданоски

Според него градот ќе добие модерни јавни простори достапни за сите граѓани, старата чаршија ќе се обнови и зачува како културен и трговски центар, сообраќајот ќе се уреди за побезбедна инфраструктура, а зелените површини и парковите ќе ја збогатат урбаната средина

Проданоски потенцира дека неговата програма е насочена кон создавање модерен, зелен и достапен град кој ќе одговара на потребите на сите жители на Прилеп

„Модерен, зелен и достапен за сите – тоа е мојата визија за нашиот град“ заклучи Проданоски повикувајќи ги граѓаните на Прилеп да се приклучат и да ја поддржат неговата иницијатива за ново, достојно и развиено Прилепско општинско средиште

Видеото може да го погледнете тука

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.

Република

Коњановски ги прими просветните работници на годината од Битола

Градоначалникот на Битола, Тони Коњановски, денеска оствари средба со добитничките на признанието „Просветен работник на годината“ за учебната 2024/2025 година – Наташа Тодоровска, наставник по одделенска настава во ОУ „Ѓорѓи Сугарев“, и Аница Б. Златевска, психолог во ОУ „Коле Канински“.

Коњановски им честиташе за значајното признание доделено од Министерството за образование и наука и Сојузот на просветни работници, нагласувајќи дека ваквите награди се симбол на поширока општествена заложба за почит и вреднување на улогата на наставниците, воспитувачите и стручните соработници во образованието.

Тој истакна дека трудот на просветните работници е фундаментален за формирањето на идните генерации и дека локалната самоуправа ќе продолжи да ја поддржува нивната работа.

Признанијата се доделуваат во рамките на кампањата „Магијата е во знаењето“, која Министерството ја реализира по повод 5 Октомври – Светскиот ден на учителите, со цел истакнување на незаменливата улога на учителите и зголемување на општествената почит кон нив.