Кандидатот за градоначалник на град Скопје, Орце Ѓорѓиевски, заедно со својата сопруга, присуствуваше на саботен ручек со жени од бизнис секторот, организиран од мрежата „Јас Сум Жена“. Настанот ги обедини жените претприемачи, универзитетски професорки, директорки и менаџерки кои, како што истакна Ѓорѓиевски, „се двигателите на Скопје и ја градат посилната Македонија“.
„Имавме искрен разговор за предизвиците и за идеите што можат да го унапредат нашиот град. Едно е јасно – Скопје мора повторно да стане отворен град, во кој комуникацијата со граѓаните и деловниот сектор ќе биде жива, достапна и продуктивна“, порача Ѓорѓиевски.
Тој изрази благодарност за поддршката и енергијата на жените од бизнис заедницата, нагласувајќи дека нивната визија и посветеност се од клучно значење за развојот на Скопје.
„Им благодарам од срце за силната поддршка, за инспирацијата и за енергијата што ја носат. Заедно можеме многу повеќе. Да победиме заедно!“, додаде Ѓорѓиевски.
