Црна Хроника
Филмски грабеж во Гостивар: украдени 18 килограми злато, вредни 1,8 милион евра
Во петокот вечерта во центарот на Гостивар се случил невиден грабеж на златара, при што четворица вооружени и маскирани напаѓачи украле 18 килограми злато во вредност од околу 1,8 милиони евра.
Инцидентот се случил околу 18:45 часот во златарница во близина на малиот пазар, сопственост на С.Ж. од Гостивар. Напаѓачите, облечени во црна облека и со фантомки на лицата, вооружени со автоматско оружје, влегле во објектот и за кратко време го ограбиле. Според очевидци, тие мирно ја напуштиле златарата и со џип марка „БМВ Х3“ без регистарски таблички побегнале од местото. Некои од жителите успеале да го снимат моментот на нивното бегство.
Набргу потоа, полицијата го пронашла џипот запален на регионалниот пат кај Мавровска крстосница. Возилото било изгаснато од гостиварските пожарникари, а при увидот во него била пронајдена автоматска пушка со бајонет. По наредба на јавен обвинител, возилото е однесено во кругот на Полициското одделение за безбедност на патниот сообраќај во Гостивар.
Од Министерството за внатрешни работи информираа дека се преземаат интензивни мерки за пронаоѓање на сторителите и целосно расветлување на случајот. Од Основното јавно обвинителство во Гостивар потврдија дека јавен обвинител издал повеќе наредби и насоки за откривање на сторителите.
Овој случај се смета за еден од најголемите грабежи на златара во Македонија, со оглед на огромната вредност на украденото злато.
Црна Хроника
Пожар во строгиот центар на Неготино – куќа во пламен
Благодарение на навремената интервенција на Територијалната противпожарна единица, претпладнево е спречена катастрофа од поголеми размери во строгиот центар на Неготино. Иако една куќа е целосно уништена, пожарникарите успеале да го локализираат огнот и да го спречат неговото ширење низ густо населениот кварт.
Во гаснењето на стихијата учествувале 10 пожарникари со три противпожарни возила. Нивната примарна цел била да се заштитат соседните објекти кои биле во непосредна опасност. Како резултат на високата температура и пламените јазици, неколку околни куќи претрпеле делумни оштетувања, но нивното целосно опожарување било спречено.
Најважно е тоа што нема повредени или настрадани лица. Повозрасниот маж кој престојувал во куќата каде што избил пожарот, навреме бил извлечен на безбедно.
„Навремената интервенција спречи поголема трагедија“, изјави за МИА Столе Атанасов, командир на Територијалната противпожарна единица – Неготино.
Пожарот е целосно локализиран, а во тек е увид за утврдување на причините за неговото настанување, како и проценка на материјалната штета.
Црна Хроника
Полицијата реагирала брзо: фатен дрвокрадец со возило без регистрација во Тетовско
Црна Хроника
Исчезна 30-годишен скопјанец
-
Црна Хроника3 days agoХорор на патот Охрид–Струга: Возач двапати тргнал кон полицајци и успеал да избега
-
Црна Хроника3 days agoДрама на автопатот Тетово – Гостивар: Ги пресретнале со ротација им го пресекле патот, па ги истепале
-
Црна Хроника3 days agoКривични пријави против полицајци од Штип – МВР со детали
-
Македонија5 days agoМВР со конечна одлука еве кога почнува „Безбеден град“
-
Црна Хроника4 days agoФизички нападната девојка на работно место во Брвеница
-
Црна Хроника5 days agoПретрес во тетовско, пронајдени дрога, оружје и муниција, приведени две лица
-
Република16 hours agoУтре дел од Тетово и три тетовски села без електрична енергија
-
Црна Хроника20 hours agoХорор во Тетовско: Физички нападнати полицајци