Црна Хроника

Лишени од слобода пет возачи во Штип, Тетово, Гостивар и кривопаланечко, управувале возила со многу поголема брзина од дозволената

На 11.10.2025 во 16:45 часот на патот Штип – Кочани, кај с.Крупиште, полициски службеници од СВР Штип го лишија од слобода А.К.(57) од Штип. При контрола на сообраќајот со радар, полициските службеници констатирале дека тој управувал патничко возило „фиат“ со штипски регистарски ознаки со брзина од 91 километар на час на место каде што брзината е ограничена на 40 километри на час.
На 11.10.2025 во 14:49 часот на бул.„Маршал Тито“ во Тетово, полициски службеници го лишија од слобода А.А.(42) од Скопје. При контрола со радар, полициските службеници констатирале дека во населено место управувал патничко возило „бмв“ со скопски регистарски ознаки со брзина од 106 километри на час на место каде што брзината е ограничена со знак на 50 километри на час.

На 11.10.2025 во 14:48 часот на патот Тетово – Гостивар, кај наплатна рампа Гостивар, полициски службеници од ОВР Гостивар го лишија од слобода Ф.Т.(36) од Скопје. При контрола со радар, полициските службеници констатирале дека управувал патничко возило „мерцедес“ со скопски регистарски ознаки со брзина од 151 километар на час на место каде што брзината е ограничена на 80 километри на час.
На 11.10.2025 во 17:20 часот на патот Тетово – Гостивар, кај наплатна рампа Гостивар, полициски службеници од ОВР Гостивар го лишија од слобода Х.С.(31) од с.Речане, гостиварско. При контрола со радар, полициските службеници констатирале дека тој управувал патничко возило „бмв“ со гостиварски регистарски ознаки со брзина од 155 километри на час на место каде што брзината е ограничена на 80 километри на час.

На 11.10.2025 во 16.35 часот на патот Куманово – Крива Паланка, во с.Гиновце, кривопаланечко, полициски службеници од ОВР Крива Паланка го лишија од слобода Д.М.(23) од с.Ранковце. При контрола во сообраќајот со радар, полициски те службеници констатирале дека управувал патничко возило „бмв“ со кривопаланечки регистарски ознаки со брзина од 118 километри на час на место каде што дозволената брзина е 50 километри на час.

Лицата се задржани во полициска станица и по целосно документирање на случаите против нив ќе бидат поднесени пријави по член 297-а од Кривичниот законик – „безобѕирно управување со моторно возило“.

Црна Хроника

Уапсен водач на меѓународна нарко-мрежа со фирми во три европски држави

Во координирана меѓународна полициска акција уапсени се четири лица осомничени за делување во организирана група за трговија со дрога, соопштија истражните органи. Главниот осомничен, Срѓан Шошкиќ, бил уапсен во Србија, пренесува БГНЕС.

Шошкиќ, кој важел за локален нарко-бос, поседувал транспортни компании во Словенија, Бугарија и Словачка, преку кои, според истрагата, се вршел таен транспорт на наркотични супстанци. Тој и уште едно лице биле приведени во Србија, додека третиот член на групата бил уапсен во Шпанија на 27 ноември, а четвртиот во Австрија уште на 21 март.

Истражителите утврдиле дека групата од 4 декември 2024 година до денес се занимавала со производство и меѓународна распределба на дрога. Само во Шпанија и Австрија биле запленети наркотични средства со пазарна вредност од над три милиони евра.

Според ЈТОК, Шошкиќ бил организаторот на криминалната мрежа и сопственик на транспортната компанија „Ваки транс“ во Словенија, која, како што се сомневаат истражителите, била ставена во функција на шверцот. Камионите и возачите, покрај редовната стока, тајно превезувале дрога низ Европа.

Групата е осомничена дека транспортирала околу 81,2 килограми кокаин, 110 килограми марихуана и околу 15.000 евра, како и дека користела луксузни автомобили во своето криминално работење. Истрагата продолжува.

Црна Хроника

Лажен полицаец ја измамил 82-годишна скопјанка и ѝ одзел 170.000 денари

82-годишна жена од Скопје пријавила во СВР Скопје дека е жртва на измама, откако едно лице телефонски ѝ се претставило како полициски службеник и ја убедило да предаде 170.000 денари.

Според информациите од МВР, измамникот ѝ соопштил дека нејзината внука наводно предизвикала сообраќајна несреќа во која загинало дете, и дека е потребно да се плати „одредена сума“ за да не заврши во затвор. Преплашената жена, верувајќи дека ја спасува внуката, излегла од својот дом и му ги предала парите на машко лице кое дошло на локацијата.

По кратко време, таа сфатила дека внуката воопшто не била вклучена во сообраќајка и дека станува збор за класична измама, по што случајот го пријавила во полиција.

Од МВР информираат дека се преземаат мерки за целосно расчистување на настанот и идентификација на сторителот.

Црна Хроника

Автомобил со американски таблички излетал од коловозот кај Кичево: една жена тешко повредена

Рано утрово, околу 03 часот, на магистралниот пат Гостивар–Кичево, во близина на селото Трапчин Дол, патничко возило „Волво“ со американски регистарски ознаки излетало од коловозот, информираа од ОВР Кичево.

Возилото го управувал Ф.А. (32) од Кичево, кој во несреќата се здобил со телесни повреди. Сериозно повредена е сопатничката А.З. (25) од Кичево, кај која биле констатирани тешки телесни повреди во Медицинскиот центар Кичево.

На местото на настанот извршен е увид од увидна екипа на ОВР Кичево, а причините за сообраќајката дополнително се утврдуваат.