Четири лица загинаа, а најмалку 20 се повредени во масовно пукање што се случи во бар на островот Света Елена во американската сојузна држава Јужна Каролина, соопшти локалната полиција.
Инцидентот се случил во раните утрински часови, кога во барот имало голем број посетители. Дел од нив успеале да се разбегат по истрелите, но бројни лица се здобиле со повреди, а четворица се во критична состојба.
„Ова е трагичен и тежок инцидент за сите нас“, изјави шерифската служба во округот Бофорт. „Апелираме за трпение додека продолжуваме со истрагата. Нашите мисли се со жртвите и нивните најблиски.“
Засега нема информации за мотивот или идентитетот на напаѓачот/напаѓачите, а полицијата продолжува со истражување на случајот.
