Скопје

Ѓорѓиевски најави изградба на улица „Љубљанска“ и пуштање во употреба на мостот во Карпош

Кандидатот за градоначалник на Град Скопје, Орце Ѓорѓиевски, преку видео порака објавена на социјалните мрежи најави реализација на еден од клучните инфраструктурни проекти за градот – изградбата на улицата „Љубљанска“, со што конечно ќе се овозможи и пуштање во употреба на мостот во Карпош, кој со години стои недовршен.

„Ќе ја изградиме улицата ‘Љубљанска’, со што конечно ќе го пуштиме во употреба мостот во Карпош,“ порача Ѓорѓиевски во своето обраќање, нагласувајќи дека овој проект е од суштинско значење за подобра поврзаност на овој дел од градот и за растоварување на сообраќајниот метеж.

Со оваа интервенција, Карпош ќе добие нова урбана врска што ќе ја подобри мобилноста и пристапноста кон булеварите „Партизански одреди“ и „Илинденска“, а истовремено ќе обезбеди и побрз и побезбеден проток на возила.

Проектот е дел од пошироката визија на Ѓорѓиевски за „Скопје без метеж“, која опфаќа изградба и реконструкција на повеќе клучни сообраќајници и мостови, со цел модерна и функционална инфраструктура што ќе одговара на потребите на граѓаните.

„Нашата цел е да создадеме град по мерка на човекот – град со ред, динамика и иднина,“ нагласи Ѓорѓиевски.

Видеото можете да го погледнете тука

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.

Скопје

Голем дефект на „Крсте Мисирков“ – утре без вода клучни институции и делови од центарот на Скопје

Утре од 7 часот наутро значаен дел од централното градско подрачје ќе остане без вода поради дефект на водоводната линија на булевар „Крсте Мисирков“, соопшти ЈП „Водовод и канализација“ – Скопје.

Прекинот ќе ги опфати објектите на МАНУ, Основен суд 2, Младинскиот културен центар, Универзитетската библиотека „Св. Климент Охридски“, Универзитетот „Св. Кирил и Методиј“, трговскиот центар „Мавровка“, делови од Старата скопска чаршија, Саат-кулата, улицата „Отокар Кершовани“, Адвокатската улица и дел од булевар „Крсте Мисирков“.

Од претпријатието информираат дека екипите ќе работат интензивно на терен и дека водоснабдувањето ќе биде вратено веднаш по отстранување на дефектот.