Во последните години се појави нов тренд на интернет кој претставува вистински бизнис – продажба на фотографии на стапала. Според податоци од глобални платформи, жени со одредени облици и пропорции на стапалата можат да заработат и до 40.000 евра годишно.
Најбарани се „селански“, грчки и „римски“ типови на стапала, додека според студијата на платформата FunWithFeet, највисоки приходи носат моделите со квадратни стапала – до 35.000 фунти годишно. Успехот зависи не само од изгледот, туку и од креативноста, квалитетот на фотографиите, осветлувањето, реквизитите, позите и монтажа.
Истражувањата покажуваат дека црвениот лак за нокти и харизматичната личност се клучни фактори за продажбата, бидејќи привлекуваат повторни купувачи. Иако на многумина оваа идеја им звучи необично, индустријата за продажба на фотографии на стапала брзо се шири и создава нова ниша на онлајн пазарот за содржини за возрасни.
