Адвокатката за разводи, Шила Макинтош-Стјуарт, тврди дека постојат две реченици кои јасно покажуваат дека бракот е завршен. Според нејзиното искуство, ако еден партнер во разговорот каже:
„Не гледам иднина“ или „Сакам да одам и веќе планирам кога“, тоа е јасен знак дека врската е завршена, без разлика колку другиот сака да ја спаси.
Друг алармантен показател е неможноста партнерите да кажат нешто убаво еден за друг. Ако наместо комплименти зборуваат само за работите што некогаш ги ценеле, тоа значи дека емоциите заладиле.
Шила додава дека состојбата на односот може да се види и во тонот на гласот, контактот со очите и јазикот на телото. Сарказмот, превртување на очите и постојани критики, дури и како шеги, покажуваат дека партнерството преминало од „имаме проблем“ во „ти си проблем“.
Дополнителен знак на токсичност е водење сметка за ситници, како на пример кој колку пати го изнесол ѓубрето.
На крај, таа открива дека и положбата на столчињата на заедничките сесии открива многу – ако парот инстинктивно ги раздвои столчињата еден од друг, тоа покажува дека меѓу нив веќе постои емоционален раздор.
