Кандидатот за градоначалник на Општина Чаир, Изет Меџити, изјави дека со расчистувањето на депонијата Дрисла се става крај на една од најголемите еколошки рани на главниот град. Тој најави дека по чистењето ќе бидат поставени огради со цел да се спречи незаконски влез и фрлање отпад.
„Нема повеќе нелегален отпад. Нема повеќе влез без дозвола. Нема компромис со загадувањето. Нашиот пристап е јасен – да исчистиме, да заштитиме и да изградиме“, изјави Меџити.
Според него, Дрисла од запуштена депонија се претвора во контролиран проект со европски стандарди, што претставува победа за граѓаните и пример за одговорно управување.
„Ова е победа на граѓаните и доказ дека постои власт што дејствува, а не се оправдува“, порача Меџити.
