Летното сметање на времето завршува в недела, на 26 октомври 2025 година, кога официјално започнува зимското сметање на времето.
Во ноќта меѓу сабота и недела (25 кон 26 октомври), стрелките на часовникот ќе се поместат еден час наназад, односно времето во 03:00 часот ќе се смета како 02:00 часот.
Министерството за енергетика, рударство и минерални суровини потсетува дека оваа промена се врши согласно Одлуката на Владата објавена во „Службен весник на Република Северна Македонија“ бр. 68 од 28 март 2025 година.
Со тоа, граѓаните ќе добијат еден час повеќе сон, а деновите постепено ќе стануваат пократки со приближувањето на зимата.
