Скопје

Ѓорѓиевски претстави 40 капитални проекти за подобро Скопје

Орце Ѓорѓиевски, кандидат за градоначалник на Скопје, денес ја претстави првата фаза од изградбата на новиот булевар „Хрватска“, проект кој, според него, ќе ја промени сообраќајната слика на источниот дел на градот и ќе донесе олеснување за илјадници граѓани.

„Сите знаеме колку е голем метежот во Автокоманда, особено во утринските и попладневните часови. Со новиот булевар ќе воспоставиме стратешко поврзување меѓу општините Гази Баба, Бутел и Чаир, како дел од внатрешната обиколница на Скопје“, изјави Ѓорѓиевски.

Проектот предвидува модерно и безбедно сообраќајно решение со европски стандарди, а паралелно ќе се реализира и нов водоводен крак кој ќе обезбеди стабилен притисок и подобар квалитет на водоснабдувањето за високата зона на Автокоманда, Железара и околните села.

Ѓорѓиевски посочи дека булеварот „Хрватска“ е дел од најамбициозната програма за патна инфраструктура во историјата на Скопје, која вклучува 40 капитални проекти за подобрување на урбаната и сообраќајната структура на главниот град.

Меѓу другите стратешки проекти се:
• Булевар „Февруарски поход“ со нов мост преку Вардар за поврзување на источниот и западниот дел на градот;
• Продолжување на булеварот „АСНОМ“ и поврзување со „Александар Македонски“ преку мостот „Михаило Апостолски“;
• Деблокирање на клучката „Момин Поток“;
• Продолжување на булеварот „Борис Трајковски“ до Драчево;
• Проширување на булеварот „Александар Македонски“ со трета лента од Сингелиќ до Автокоманда;
• Булевар „Цветан Димов“ со шест коловозни ленти, велосипедски патеки и зеленило;
• Проширување на улицата Даме Груев и изградба на три нови кружни текови, како и подземна сообраќајница под Лимак.

„Со овие проекти градиме поорганизиран, побезбеден и подобро поврзан Скопје, модерен и достоинствен главен град каков што заслужуваат сите негови граѓани. Најдоброто допрва доаѓа“, порача Орце Ѓорѓиевски.

Скопје

Николоски: Карпош добива нов урбан лик со реконструкција на над 15 улици

Преку петнаесетина улици ќе се реконструираат во општина Карпош со подршка на Владата. Општината полека ќе го смени урбаниот лик и ќе се развива, истакна вицепремиерот и министер за транспорт Александар Николоски при денешната посета на општина Карпош.

Николоски заедно со градоначалникот Сотир Лукровски извршија увид во реконструкција на ул. Јуриј Гагарин, проект кој се реализира со подршка на Министерството за транспорт, а во заедничка соработка со општината.

“ Ова беше заглавен проект, ова беше проект без разлика што имавме обезбедено средства, не можевме да го реализираме. Откако беше избран за градоначалник, заедно со службите во општината, успееја да ги решат сите предизвици на овој проект, да се решат проблемите и еве веќе се гради и ако се оди добро и не послужи времето до Нова година може да се заврши оваа улица, паркингот зад зградите и да се добие нов урбан лик на овој простор. Сакам да најавам дека дополнително на ова имаме уште еден проект кој се реализира со Светска банка во вредност од над 13 милиони денари, тоа е улицата Петар Чаулев, целосна реконструкција околу 600 метри што дополнително се надевам ќе допринесе за урбаниот развој на општината. На тоа додаваме уште дванаесетина проекти кои што ги резлизираме преку вториот повик на Владата и севкупно имаме значајни проекти за општина Карпош. Тука е и подршката на Владата, мојата лична подршка за дополнителни работи кои треба да ги направиме во Карпош. Со изборот на новиот градоначалник, со неговата напорна работа се гледаат промените и навистина сите имаме желба да помогнеме и да се случуваат убави работи во општина Карпош”-изјави вицепремиерот Николоски.

Скопје

Прекин на електрична енергија денеска во Горно Нерези, Глуво и Мирковци

Регионалниот центар за управување со кризи (РЦУК) информира, повикувајќи се на известување од ЕВН Македонија, дека денес од 9:00 до 15:00 часот ќе има прекин во снабдувањето со електрична енергија за корисниците од неколку населени места.

Прекинот ги опфаќа корисниците од селото Горно Нерези и корисниците од селата Глуво и Мирковци.

Станува збор за планиран прекин, а корисниците се повикуваат на трпение до завршувањето на работите.

Скопје

Жителите на одредени делови од Аеродром денес без вода

Јавното претпријатие „Водовод и канализација“ – Скопје информираше за привремен прекин во водоснабдувањето за дел од корисниците лоцирани на булеварот „АСНОМ“, во населбата Аеродром.

Прекинот, кој започна вечерва во 18:45 часот, е предизвикан од уличен водоводен дефект на цевка со дијаметар Ф100 мм, конкретно кај број 74 на булеварот.

Погодени корисници ќе бидат корисниците лоцирани на булевар „АСНОМ“ од број 70 до број 116.

Екипите на ЈП „Водовод и канализација“ се на терен и работат на отстранување на дефектот. Водоснабдувањето ќе биде нормализирано веднаш по завршувањето на работните активности, за што јавноста ќе биде дополнително известена.