Компанијата „Србијавоз“ соопшти дека воспоставувањето на железничкиот сообраќај до Суботица овозможува и поврзување со Будимпешта, преку две префрлања – во Суботица и Сегедин.
Билетот за релацијата Белград Центар – Будимпешта чини 32 евра, за Нови Сад – Будимпешта 28 евра, а за Суботица – Будимпешта 19 евра. Дополнително, потребна е резервација за седиште, која изнесува 120 динари на делницата Белград – Суботица и 3 евра на делницата Сегедин – Будимпешта. Истите услови важат и во обратна насока.
Според распоредот, возот тргнува од Белград Центар во 6:00, 12:00 и 14:00 часот, а во Будимпешта Њугати пристигнува во 12:14, 18:14 и 21:14 часот, зависно од терминот и префрлањата. Обратно, возовите од Будимпешта тргнуваат во 5:35, 11:45 и 14:46 часот, а пристигнуваат во Белград во 13:19, 19:19 и 21:19 часот.
Брзите возови на оваа рута, кои од 8 октомври редовно сообраќаат, се движат со брзина до 200 километри на час. На линијата функционираат патничките возови „Интер Сити“ (СОКО) и „Интер Реџио“, додека товарниот сообраќај веќе е во редовен режим.
