Министерката за енергетика, рударство и минерални суровини Сања Божиновска во рамки на состанокот на министрите за економија од Берлинскиот процес во Лондон, оствари средба со британскиот министер за бизнис и трговија и претседател на Одборот за трговија на Обединетото Кралство, Питер Кајл.
На средбата се разговарало за јасната поддршка што Велика Британија ѝ ја дава на Македонија и на регионот во отворањето нови канали за приватни инвестиции во енергетиката, транспортот и инфраструктурата со ниска јаглеродна отпечаток.
Божиновска ја истакна важноста на иницијативата „Бела листа на таксономијата за одржливо финансирање за земјите од Западен Балкан“, заедничка регионална рамка што ќе овозможи полесна идентификација и финансирање на вистински зелени и одржливи проекти.
„Со партнерите од Обединетото Кралство ја споделуваме истата визија – да се ослободат нови извори на приватен капитал за зелени инвестиции и да се поттикне економскиот раст на целиот регион“, истакна Божиновска.
