Во раните утрински часови денес, силна експлозија одекна во станбена зграда во главниот град на Романија – Букурешт, предизвикувајќи голема трагедија.
Според првичните информации, најмалку три лица го загубиле животот, а 13 се повредени. Неколку ката од зградата целосно се урнале. Се сомнева дека експлозијата е предизвикана од плинска инсталација, но официјалната причина сè уште не е потврдена.
Два ката се целосно уништени, а и останатите делови на објектот имаат сериозни оштетувања. Од силината на експлозијата била оштетена и блиската училишна зграда.
На местото на несреќата веднаш пристигнале пожарникари, итна помош и спасувачки екипи кои трагаат по преживеани под урнатините.
Зградата е целосно евакуирана, а пристапот е забранет поради ризик од понатамошно уривање.
Државниот секретар Раед Арафат изјави дека објектот е во „крајно нестабилна состојба“ и ги предупреди граѓаните да не се приближуваат.
Истрагата за причините на експлозијата е во тек.
An explosion occurred in a residential building in Bucharest, destroying several apartments on the 5th and 6th floors.
Authorities in the Romanian capital confirmed that two people were killed, while another 12 were hospitalized, according to preliminary reports. pic.twitter.com/rxPsE1wIaM
— NEXTA (@nexta_tv) October 17, 2025
