Кандидатот за градоначалник на општина Прилеп, Дејан Проданоски, најави нов голем проект – изградба на современ трговски центар со забавен парк и паркинг простор во индустриската зона Металец.
„Прилеп заслужува нова енергија и нови можности. Со овој проект внесуваме свеж дух во градот и создадеме нова димензија на животот. Ова ќе биде место каде што ќе се сретнат бизнисот, забавата и семејниот живот“, изјави Проданоски.
Според него, со изградбата на трговскиот центар ќе се отворат нови работни места и ќе се поттикнат нови инвестиции што ќе имаат позитивен ефект врз локалната економија.
Проектот, како што најави, ќе биде реализиран во фазна динамика и ќе претставува нов урбан и економски пол на Прилеп.
Видеото може да го погледнете тука
