Црна Хроника

Лишени од слобода двајца осомничени за серија кражби

На 18 октомври 2025 година во 16:45 часот, полициски службеници од ОВР Гостивар ги лишија од слобода А.К.(44) од село Леуново и О.Б.(43) од Гостиварско Долна Бањица, поради сомнение за сторени кривични дела „кражба“ и „тешка кражба“ според член 235 и член 236 од Кривичниот законик.

Со судска наредба бил извршен претрес во домот и помошните простории каде живее О.Б., при што биле пронајдени и одземени повеќе предмети за кои постои сомнение дека потекнуваат од извршено кривично дело. О.Б. е задржан во полициска станица, а по целосно документирање на случајот ќе следува соодветна пријава.

Црна Хроника

Полициска акција во Штип: Лишени од слобода неколку полицајци

Вечерва во Штип се спроведува полициска акција. Според досегашните информации, во акцијата се лишени од слобода неколку полициски службеници.

Од Основното јавно обвинителство за гонење на организиран криминал и корупција потврдија дека акцијата е во тек. Повеќе детали се очекуваат по завршувањето на истрагата.

Извор: 24info.mk

Црна Хроника

Пет лица нападнале 19-годишна девојка во Тетовско

Пет лица од тетовското село Желино се осомничени дека физички нападнале 19-годишна девојка од истото село, соопшти СВР Тетово. Против нив е поднесена кривична пријава за кривичното дело „насилство“.

Станува збор за П.А. (28), С.А. (30), Е.А. (23), Г.А. (44) и А.А. (19). Инцидентот се случил на 26 септември 2025 година, по претходна расправија која ескалирала во физички напад.

Од полицијата информираат дека случајот е целосно расчистен и документиран, а натамошните мерки ќе ги одлучи надлежното обвинителство. Засега нема официјални информации за тежината на повредите на младата девојка.

Црна Хроника

Тешка сообраќајна несреќа – Едно лице го загуби животот

На магистралниот пат Кочани- Виница, на место викано „Сланечки дол“, автомобил „пежо“ со винички регистарски ознаки, управувано од Б.Ќ.(48) од Виница, излетало од коловозот вчера доцна попладнето.

Б.Ќ. починал на местото на несреќата од здобиените повреди, а лекар од Итната медицинска помош констатирал смрт.

По насоки на јавен обвинител, телото на починатиот било предадено на обдукција. Извршен бил увид од увидна екипа од ОВР Кочани.