Една личност загина откако силен ветер погодил подрачјето Вал д’Оиз северно од Париз, соопшти тамошната префектура во понеделникот вечерта.
Според префектурата, четири лица се во критична состојба, а пет се полесно повредени. Ветерот предизвикал рушење на кранови и однесување на покриви, што довело до сериозни материјални штети.
Во операциите на терен биле ангажирани 80 пожарникари, 50 полицајци и 20 припадници на брза помош. Префектурата ги повика граѓаните да останат внимателни и да избегнуваат непотребни патувања за да се овозможи непречено движење на возилата на итните служби.
