Средбата меѓу американскиот претседател Доналд Трамп и рускиот претседател Владимир Путин во Будимпешта пропадна, јавуваат добро упатени извори, откако Русија не ги прифатила клучните услови предложени од САД.
Овој месец требаше да се одржи и подготовителен состанок меѓу американскиот државен секретар Марк Рубио и неговиот руски колега Сергеј Лавров, но Белата куќа соопшти дека по продуктивниот телефонски разговор состанокот повеќе не е потребен.
Не се соопштени деталите зошто средбата е одложена, но се наведува дека Трамп се согласи на идејата за замрзнување на украинскиот конфликт на моменталната линија на фронтот, што Русија повеќепати го одбиваше. Лавров изјави дека Москва е заинтересирана само за долгорочен и одржлив мир, наместо за привремено примирје.
Украинскиот претседател Володимир Зеленски се надеваше на позитивен исход, но според извештаите на Sky News, Москва ја загрозила средбата со инсистирање на територијални придобивки од Украина пред било какво примирје. Американските дипломати заклучиле дека максималистичкиот став на Русија не се смени доволно, па состанокот Трамп–Путин најверојатно нема да се одржи во блиска иднина.
