Кремљ соопшти дека денеска е извршено пробно лансирање на интерконтинентална балистичка ракета „Јарс“ од полигонот Плесецк, северозападна Русија. Истовремено, од подморница во Баренцово Море беше лансирана интерконтиненталната балистичка ракета „Синева“.
Во вежбата учествуваа и стратешките бомбардери Ту-95, кои истрелуваа крстосувачки ракети со долг дострел. Кремљ истакнува дека во рамки на вежбата биле проверени и вештините на воените командни структури.
Воената активност следи откако беше одложен самитот меѓу претседателите на Русија и САД, Владимир Путин и Доналд Трамп, што дополнително ја истакнува важноста на проверката на стратешките сили на Москва.
