Алуминиумската фолија е неопходен дел од секое домаќинство – ја користиме за печење, завиткување храна и олеснување на чистењето на садовите. Но, многумина се прашуваат која страна треба да се користи – сјајната или мат страната?
Според стручњаците, разликата меѓу двете страни не е функционална, туку се јавува поради процесот на производство. При изработка, фолијата се пресува во два слоја за да не се искине – страната што допира до валјаците станува сјајна, додека другата останува мат.
Тоа значи дека и двете страни имаат еднаква способност да ја заштитат храната од воздух, влага и мириси. Без разлика дали сјајната или мат страната е свртена кон храната, ефектот е ист.
Сепак, постои мала практична разлика при готвење. Ако печете или готвите, се препорачува сјајната страна да биде свртена кон храната, бидејќи подобро ја рефлектира топлината и овозможува побрзо и порамномерно печење. Доколку сакате да ја задржите топлината на веќе готово јадење, тогаш мат страната нека биде свртена кон внатре.
Со други зборови – нема „погрешна“ страна на алуминиумската фолија, но со мал трик може да постигнете подобри резултати во кујната.
