Властите во Њу Делхи започнаа пилот-проект за предизвикување вештачки дожд со цел да го намалат екстремното загадување на воздухот, кое редовно достигнува опасни нивоа во зимските месеци.
Експериментот е спроведен во соработка со Индискиот технолошки институт во Канпур. Едномоторен авион „Цесна“ истрелал ракета со специјални хемикалии кои се користат за распрснување на облаците и стимулирање на врнежи.
Според регионалната влада, тестот има за цел да ја процени ефикасноста на методата во намалувањето на концентрацијата на штетни честички во воздухот. Доколку резултатите бидат позитивни, во наредните недели ќе следи поширока акција за создавање вештачки дожд над главниот град.
Со овој потег, индиските власти се надеваат на барем привремено подобрување на квалитетот на воздухот и намалување на ризиците по здравјето на жителите.
