Иако обичната настинка ретко е опасна, кај лицата постари од 60 години може да предизвика сериозни последици, предупредуваат лекарите. Причината е што имунолошкиот систем со возраста слабee, а опоравувањето трае подолго.
Најчестата грешка што ја прават повозрасните, според докторката Сандра Петерсен, е недоволната хидратација. Водата го одржува телото и слузокожата влажни, овозможува полесно исфрлање на вирусите и помага на имунолошкиот систем да функционира правилно.
Дехидратацијата може да предизвика замор, главоболки, слабост, збунетост и дури хоспитализација, особено ако се јави и повраќање или дијареја. Докторката Рупа Сах додава дека без доволна течност се зголемува ризикот од бронхитис, синузитис и воспаление на белите дробови.
Стари лица често немаат чувство на жед, а лекови како диуретици дополнително ја намалуваат течноста во телото. Затоа лекарите препорачуваат најмалку 6 до 8 чаши вода дневно, а при настинка – уште една до две повеќе.
Се советува постепено пиење вода, билни чаеви, супи и бистри течности, додека кофеинот и алкохолот треба да се избегнуваат, бидејќи ја поттикнуваат дехидратацијата.
