Киселата зелка — здрава, но не за секого!
Киселата зелка е богата со витамин Ц и го зајакнува имунитетот, но експертите предупредуваат дека треба да се консумира внимателно, особено кај лица со висок крвен притисок или проблеми со бубрезите.
Рускиот натуролог Георгиј Назаров објаснува дека при киселење се користи голема количина сол, која го оптоварува организмот, предизвикува задржување течности, го нарушува односот меѓу натриумот и калиумот и може да доведе до грчеви, особено во вратот и кичмата.
Дури и миењето на листовите не ја отстранува целата сол, а нејзиниот вишок е поврзан и со ризик од некои видови рак.
Нутриционистката Маргарита Корољева додава дека при подготовка не треба да се користат шеќер, оцет или премногу зачини, бидејќи тогаш зелката ги губи здравствените својства и станува штетна за дигестивниот систем.
Ако е правилно приготвена, квалитетната кисела зелка може да се јаде секојдневно — но умерено.
