Министерството за здравство во Газа соопшти денеска дека вкупно 93 Палестинци биле убиени во израелски напади откако на 11 октомври стапи во сила договорот за примирје.
Министерството додаде дека во истиот период биле повредени 324 лица, пренесе „Ал Џезира“.
Како што се наведува, во последните 48 часа, во израелски напади загинале 19 лица, чии тела биле пренесени во болниците во Газа, а уште седуммина биле повредени.
Министерството за здравство во Газа исто така соопшти дека бројот на загинати Палестинци во двегодишната војна што Израел ја води од 7 октомври 2023 година пораснал на 68.519, додека во истиот период биле повредени вкупно 170.382 лица.
