Кандидатот за градоначалник на општина Пробиштип, Тони Тоневски, најави изградба на нова велосипедска патека од Пробиштип до селото Ратавица, која ќе се простира по стариот пат во месноста Леговец.
Покрај тоа, низ градот ќе бидат поставени современи велосипедски стојалишта, со што, како што посочи Тоневски, ќе се поттикне поголема физичка активност, здрави навики и ќе се придонесе кон почист воздух.
„Повеќе движење, повеќе здравје, почист воздух!“, порача Тоневски, истакнувајќи дека ваквите проекти се насочени кон создавање позелена и поуредна општина Пробиштип.
Со оваа иницијатива, кандидатот од број 9 ја истакна својата визија за модерен и еколошки одржлив град, кој ќе обезбеди подобри услови за граѓаните и за идните генерации.
