Скопската полиција истражува два одделни случаи на физички напади што се случиле во петокот вечерта.
Според информациите од Министерството за внатрешни работи, во 23:40 часот во СВР Скопје бил пријавен напад врз 37-годишен доставувач на храна. Инцидентот се случил пред станбена зграда во општина Центар, по расправија околу паркинг место, по што едно лице физички го нападнало доставувачот.
Во друг случај, во општина Гази Баба бил нападнат 38-годишен скопјанец додека работел во спортска обложувалница. Нападот, според полицијата, следел по вербална расправија со посетител на локалот.
МВР информира дека се преземаат мерки за целосно расчистување на двата случаи и идентификација на сторителите.
