Изет Меџити, во емисијата „Ајде да зборуваме“ на ТВ21 изјави дека Национална Алијанса за Интеграција (НАИ) ќе биде распуштена и дека ќе следат структурни промени на политичката сцена.
Меџити објасни дека раководството на НАИ очекувало голема поддршка од гласачите по заминувањето на Арбен Таравари од ВЛЕН, но по резултатите од локалните избори ја изгубиле надежта.
„Не го очекував овој резултат во НАИ. По заминувањето на Таравари пред шест месеци, тие мислеа дека имаат 90% од гласачкото тело. Но, се покажа дека членството остана во ВЛЕН. Тоа не е само чувство на загуба, туку на изгубена надеж. Добар дел од нивното членство веќе се движи кон ВЛЕН“, изјави Меџити.
Тој додаде дека постојат активни комуникации и дека очекува распуштање на НАИ и создавање на нови политички движења кои, како што рече, ќе ја следат реалната поддршка на терен.
