Израелскиот премиер Бенјамин Нетанјаху изјави дека по прекршувањето на примирјето од страна на Хамас, Израел одговорил со воени дејствија и најави нови, одлучни фази против организацијата во Појасот Газа.
За време на посетата на седиштето на мултинационалните сили во Киријат Гат, Нетанјаху истакна дека целта останува разоружување на Хамас и демилитаризација на Појасот Газа – план што го координираат Израел и САД.
„Работиме на тоа во неколку фази“, изјави тој, во придружба на командантот на американската Централна команда, адмирал Бред Кувер.
Израелската војска потврди дека извршила серија воздушни напади врз Газа, при што се убиени најмалку 109 лица, меѓу нив и 52 деца. Нетанјаху нареди „силни удари“ поради, како што рече, прекршување на примирјето од страна на Хамас, кој пак негира вмешаност и тврди дека останува посветен на прекинот на огнот.
