Американскиот претседател Доналд Трамп доживеа турбулентен лет додека неговиот авион минувал над Азија. Како што се гледа на видеото објавено од американските медиуми, авионот силно се тресел, а Трамп, со насмевка, изјавил:
„Морам да ви кажам, има силни ветрови во Азија. Ова е тежок лет. Моравме да чекаме еден час. Тешки услови за интервјуа“, рече Трамп, шегувајќи се дека поради турбуленциите „можеби не изгледа баш најдобро“.
Во позадина се слуша глас кој му одговара: „Доста си стабилен“.
Претседателот Трамп е веќе неколку дена во Кина, а претходно се сретна со кинескиот лидер Си Џинпинг во Бусан, Јужна Кореја. Средбата траеше повеќе од 90 минути, по што Трамп изјави дека разговорите биле „неверојатни“ и дека се донесени важни одлуки.
Лидерите на двете најголеми економии во светот, кои со месеци се наоѓаат во трговска тензија, се ракуваа пред новинарите и потврдија дека имаат „добри односи“, што според аналитичарите може да биде сигнал за нова фаза во американско-кинеските односи.
