Република

ВМРО-ДПМНЕ Пробиштип: Кандидат на СДС физички нападна наш поддржувач по митинг во населбата Карпош

Општинскиот комитет на ВМРО-ДПМНЕ Пробиштип обвини дека нивен поддржувач бил физички нападнат од страна на кандидат за советник на СДС, по завршувањето на мини-митингот што се одржал во понеделникот, на 27 октомври, во населбата Карпош.

„Поддржувач на ВМРО-ДПМНЕ беше физички нападнат од страна на кандидатот за советник на СДС Пробиштип, Бале Дурмишовски, во присуство на уште еден поддржувач на СДС. Претходно, кандидатот упатил сериозни закани по живот, а потоа следувал и физички напад — само затоа што човекот присуствувал на нашиот мини-митинг“, соопштија од ВМРО-ДПМНЕ Пробиштип.

Од партијата наведуваат дека инцидентот е пријавен кај надлежните органи и бараат „брза и правична реакција“.

„Во едно демократско и слободно општество вакво насилство е недопустливо. Очигледен е страхот и паниката во редовите на СДС, кои, соочени со сигурен изборен пораз, се подготвени на секакви постапки“, стои во партиското соопштение.

Од ВМРО-ДПМНЕ апелираат граѓаните да не подлегнуваат на притисоци и закани и да пријават доколку се соочиле со каков било облик на насилство или уцена во текот на изборната кампања.

„Вашиот глас во недела е само ваша одлука. СДС мора да се соочи со поразот, а насилниците да бидат санкционирани“, порачуваат од Општинскиот комитет на ВМРО-ДПМНЕ Пробиштип.

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.

Република

Коњановски ги прими просветните работници на годината од Битола

Градоначалникот на Битола, Тони Коњановски, денеска оствари средба со добитничките на признанието „Просветен работник на годината“ за учебната 2024/2025 година – Наташа Тодоровска, наставник по одделенска настава во ОУ „Ѓорѓи Сугарев“, и Аница Б. Златевска, психолог во ОУ „Коле Канински“.

Коњановски им честиташе за значајното признание доделено од Министерството за образование и наука и Сојузот на просветни работници, нагласувајќи дека ваквите награди се симбол на поширока општествена заложба за почит и вреднување на улогата на наставниците, воспитувачите и стручните соработници во образованието.

Тој истакна дека трудот на просветните работници е фундаментален за формирањето на идните генерации и дека локалната самоуправа ќе продолжи да ја поддржува нивната работа.

Признанијата се доделуваат во рамките на кампањата „Магијата е во знаењето“, која Министерството ја реализира по повод 5 Октомври – Светскиот ден на учителите, со цел истакнување на незаменливата улога на учителите и зголемување на општествената почит кон нив.