Украинскиот претседател Володимир Зеленски денес потпиша нови закони со кои ја продолжува важноста на воената состојба и општата мобилизација во земјата до 3 февруари 2026 година.
Како што објави агенцијата УНИАН, документите се објавени на официјалната веб-страница на Врховната рада на Украина и предвидуваат продолжување на мерките за дополнителни 90 дена, почнувајќи од 5 ноември оваа година.
Ова е повеќекратно продолжување на воената состојба што првпат беше воведена на 24 февруари 2022 година, кога Русија ја започна целосната инвазија врз Украина. Од тогаш, мобилизацијата и ограничувањата остануваат на сила во целата земја, додека украинските вооружени сили продолжуваат со одбранбените операции долж фронтот.
