Кандидатот за градоначалник на Град Скопје, Орце Ѓорѓиевски, најави конкретни решенија за еден од најгорливите проблеми во главниот град – недостигот од паркинг-места.
„Проблемот со паркирањето ќе го решаваме со изградба на катни и повеќе монтажни гаражи“, порача Ѓорѓиевски, додавајќи дека првите локации за реализација се предвидени во Кисела Вода, на улицата „Есенинова“, и во Центар, во населбата Буњаковец.
Тој истакна дека вакви монтажни гаражи ќе се градат „секаде каде што е потребно, во сите делови на Скопје“, со цел да се олесни секојдневното функционирање на граѓаните и да се подобри сообраќајниот ред во градот.
„Го имате мојот збор! Доаѓа време кога сите ќе живееме подобро. Скопје го правиме заедно!“, порача Ѓорѓиевски, нагласувајќи дека решавањето на урбанистичките предизвици е еден од неговите приоритети во програмата.
Видеото може да го погледнете тука
![[ВИДЕО] Први снимки по пукањето во Штип, со пиштол пукал во кафуле во центарот на градот](https://bulevar.mk/wp-content/uploads/2025/05/screenshot-2025-05-08-224643.png)
