Со свеченото отворање на Интернационалниот фестивал на аматерски документарен филм „Камера 300“, вечерва започнуваат активностите за одбележување на 4 Ноември – Денот на ослободувањето на Битола.
Општина Битола и годинава подготви богата културна и свечена програма, која ќе трае до 9 ноември. Во рамките на одбележувањето се предвидени повеќе културни, спортски и меморијални настани, посветени на сите што придонеле градот да ја добие својата слобода.
Како што информираат од локалната самоуправа, централниот настан ќе се одржи на 4 ноември, кога ќе биде положено свежо цвеќе пред Спомен-обележјата на загинатите борци и ќе се одржи свечена академија посветена на хероите од НОБ.
Битола, како град со богата историја и силен културен идентитет, и годинава ќе го одбележи овој датум со достоинство, потсетувајќи дека 4 Ноември е симбол на слобода, жртва и вечна благодарност кон генерациите што ја изградиле современата Битола.
