Израел ги врати телата на уште 30 Палестинци во Газа во рамки на тековниот договор за размена на тела според американскиот план за прекин на огнот во конфликтот меѓу Израел и Хамас, соопшти денеска локална болница.
Медицинскиот комплекс Насер во Кан Јунис потврди дека „тела на 30 палестински затвореници се примени од Израел како дел од договорот за размена“, пренесе „Тајмс оф Израел“.
Според договорот, Израел треба да врати по 15 посмртни останки за секој починат заложник кој го вратил Хамас. Со денешното примопредавање во Газа, вкупно се вратени 225 тела.
