Магазин

Samsung ја најави Galaxy S26 серијата: нови камери, посебен чипсет и револуционерна вештачка интелигенција

Претставници на Samsung за време на годишниот состанок со инвеститорите ги открија првите детали за претстојната серија Galaxy S26 – уреди кои ќе донесат нови сензори за камера, специјално развиен чипсет и следна генерација вештачка интелигенција. Компанијата најавува „револуционерно корисничко искуство“ и значаен технолошки напредок во однос на претходната генерација.

Иако официјалното претставување на Galaxy S26 серијата се очекува на почетокот на 2026 година, Samsung веќе почна да гради возбуда. Потпретседателот на компанијата, Даниел Арауџо, изјави дека новите уреди ќе го „револуционизираат корисничкото искуство преку кориснички ориентирана АИ технологија, чип од втора генерација и значително подобрени перформанси, вклучувајќи и нови сензори за камера“.

Нов чипсет – почеток на нова ера за Galaxy

Samsung потврди дека во Galaxy S26 ќе биде вграден „custom AP“, што најверојатно се однесува на новиот Exynos 2600 чип, како и на специјално оптимизирана верзија на Qualcomm Snapdragon 8 Elite Gen 5 процесорот за Galaxy уредите. Ова решение треба да овозможи повисока брзина, пониска потрошувачка на енергија и подобра интеграција со вештачката интелигенција.

Нови камери со подобрена слика

Компанијата најави и „нови сензори за камера“, што би можело да значи значително подобрување на фотографиите, особено во услови на слаба осветленост. Се очекува барем Galaxy S26+ и S26 Ultra моделите да понудат нови решенија, а можно е и основниот модел да добие унапреден 50 MP сензор или нов ултраширок објектив.

АИ што го менува искуството

Samsung во последните години активно ја развива својата платформа Galaxy AI, а серијата S26 ќе ја направи уште поклучна. Новата генерација ќе донесе понапредни АИ асистенти, подобра обработка на фотографии и функции кои ќе овозможат поинтуитивна интеракција со уредот.

Со ваквите најави, Galaxy S26 ветува да биде еден од најиновативните смартфони во 2026 година – комбинација од моќен хардвер, интелигентен софтвер и камери кои ги поставуваат новите стандарди во мобилната фотографија.

Магазин

Епски чекор за македонската народна музика-Влатко Миладиноски и оркестаорт на Златко Миладиноски со солистички концерт во СЦ „Борис Трајковски“

По една исклучително успешна година, одбележана со распродадени концерти во Македонската опера и балет, маѓепсана публика на Античкиот театар во Охрид и триумфална турнеја низ Австралија, Америка, Канада, Европа, Турција и македонската музичка сцена добива нов момент кој ќе се запише во историјата.

На 28 декември од 20:00 часот, за првпат еден македонски изведувач на народна музика ќе одржи солистички концерт во СЦ „Борис Трајковски“-легендарна арена резервирана за најголемите имиња и најимпозантните спектакли.

Тоj изведувач е Влатко Миладиноски, човекот чиј препознатлив глас со години ја носи македонската емоција низ времето, обединувајќи ја традицијата со современиот звук. Заедно со оркестарот на Златко Миладиноски, тој подготвува 3 часовно музичко патување што ќе ги допре сите генерации.

Концертот ветува продукција на највисоко ниво:

200 m² импресивна централна сцена,

врвна аудио техника,

преку 300 светлосни тела и ефекти

над 200 m² LED екрани што ќе создадат визуелна димензија доследна на најсовремените светски концерти.

Дополнително, голема чест ќе бидат специјалните гости, со што вечерта ќе добие уште поголема уметничка тежина и ексклузивност.

Настанот не е само концерт – туку визија за тоа македонската песна да добие сцена каква што заслужува, сцена која ја возвишува нашата традиција и ја преведува во модерно, спектакуларно музичко доживување.

Концертот е закажан на 28 декември, од 20:00 часот, билетите се во продажба преку продажната мрежа на www.kupikarta.com и продажната мрежа на kupikarta.com

Магазин

Вака изгледал првиот воз во Тетово (ФОТО)

Железничката станица во Тетово е пуштена во употреба на 25 мај 1952 година. На нејзината предна фасада стоеше спомен-плоча која објаснуваше дека станицата е изградена со доброволна работа на 52.000 жители од тетовскиот крај и со помош на припадниците на тогашна ЈНА. За изградбата биле дадени 996.832 работни часови, во вредност од тогашни 139.570.480 динари. Со реконструкцијата, спомен-плочата ја снема од фасадата и не се знае каде е.

Магазин

Голем пресврт во хороскопот – два знака добиваат силен финансиски подем

Астролозите најавуваат дека два хороскопски знака влегуваат во исклучително поволен период, во кој се очекува значителен финансиски прилив. Според нив, универзумот им испраќа можности што можат да донесат вистински бум на приходите во следните неколку недели.

Лав: период на профит и нови можности

За родените во знакот Лав се отвораат шанси што носат високи финансиски добивки – од профитабилни проекти и успешни инвестиции, до потенцијални ненадејни приходи, како што е наследство. Иако позитивната енергија носи силен импулс, астролозите предупредуваат дека импулсивното трошење може да биде ризично. Дел од приходите, велат, треба да се насочат кон долгорочни и стабилни инвестиции.

Стрелец: неочекуван прилив од повеќе извори

Стрелците во овој период може да очекуваат пари што ќе пристигнат од различни насоки: дополнителни работни ангажмани, патувања, соработки, лични проекти или дури и поволни случајности. Нивната природна отвореност и авантуристички дух, според астролозите, привлекуваат финансиска среќа. Сепак, советот е дел од добивката да се вложи во посигурни опции.

За двата знака следува период на олеснување и исполнување на желби. Финансиските приливи, покрај материјална добивка, се гледаат и како можност за остварување на одамна посакувани планови. Астролозите додаваат дека е важно среќата да се пречека со мудри одлуки, бидејќи стабилниот пристап е клучен за долготраен успех.