Кандидатот на ВМРО-ДПМНЕ, Орце Ѓорѓиевски, вечерва прогласи победа во трката за градоначалник на Скопје. Според првичните резултати, Ѓорѓиевски очекува двојна разлика во однос на својот противкандидат од Левица, Амар Мециновиќ.
Пред Триумфалната порта, тој беше свечено пречекан од поддржувачите со факели и скандирања „Орце, Орце“ и „ВМРО-ДПМНЕ“. По симболичното минување под портата, Ѓорѓиевски се упати кон централниот штаб на партијата, каде што продолжи славјето по повод изборната победа.
