Скопје

ВМРО-ДПМНЕ води убедливо во Скопје и повеќе општини: Орце Ѓорѓиевски со дупла предност пред Амар Мециновиќ

Според најновите податоци од аналитичкиот центар на ВМРО-ДПМНЕ, кандидатот на партијата за Град Скопје, Орце Ѓорѓиевски, води со 34.734 гласови, додека кандидатот на Левица, Амар Мециновиќ, има 16.835 гласови, што претставува однос од 2 спрема 1 во корист на Ѓорѓиевски.

Трендот на водство на ВМРО-ДПМНЕ се забележува и во повеќе општини низ државата, според ажурираните резултати:

Аеродром: ВМРО-ДПМНЕ – 4.130, СДСМ – 1.560 Карпош: ВМРО-ДПМНЕ – 4.750, независниот кандидат Стевче Јакимовски – 3.914 Дојран: ВМРО-ДПМНЕ – 806, СДСМ – 406 Кочани: ВМРО-ДПМНЕ – 1.754, независен кандидат Венко Крстевски – 891 Чучер-Сандево: ВМРО-ДПМНЕ – 1.020, СДСМ – 610 Долнени: ВМРО-ДПМНЕ – 1.414, ВЛЕН – 502

Аналитичкиот центар нагласува дека водството на ВМРО-ДПМНЕ е стабилно, а разликата меѓу кандидатите во Скопје континуирано се зголемува, што ја потврдува стабилната позиција на партијата на локалните избори.

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.

Скопје

Голем дефект на „Крсте Мисирков“ – утре без вода клучни институции и делови од центарот на Скопје

Утре од 7 часот наутро значаен дел од централното градско подрачје ќе остане без вода поради дефект на водоводната линија на булевар „Крсте Мисирков“, соопшти ЈП „Водовод и канализација“ – Скопје.

Прекинот ќе ги опфати објектите на МАНУ, Основен суд 2, Младинскиот културен центар, Универзитетската библиотека „Св. Климент Охридски“, Универзитетот „Св. Кирил и Методиј“, трговскиот центар „Мавровка“, делови од Старата скопска чаршија, Саат-кулата, улицата „Отокар Кершовани“, Адвокатската улица и дел од булевар „Крсте Мисирков“.

Од претпријатието информираат дека екипите ќе работат интензивно на терен и дека водоснабдувањето ќе биде вратено веднаш по отстранување на дефектот.