Израел и Египет ги отвораат „старите рани“ – границата прогласена за воена зона

Израелскиот министер за одбрана, Јоав Кац, соопшти дека наредил пограничниот појас меѓу Израел и Египет да биде прогласен за затворена воена зона поради зголемена закана од дронови.

Воените сили добиле наредба да применуваат построги правила за употреба на сила и да делуваат против секоја неовластена страна што ќе се приближи до забранетата област – со цел да се спречат оператори и криумчари на дронови.

Министерството за одбрана најави и развој на нови технолошки решенија за борба против дронови, а Националниот совет за безбедност ќе подготви измени на законите за нивна употреба и поседување.

Израелската армија сè уште не објави точни детали за зоната, која се протега долж 200 километри граница со Египет. Последната година таму биле регистрирани бројни обиди за криумчарење оружје и дрога преку дронови.