Функционалниот јогурт Баланс+ ја продолжува својата мисија за промоција на здрав и балансиран начин на живот, насочувајќи ја својата поддршка кон лицата со дијабет. Преку брендот Баланс+, Бимилк обезбедува поддршка за едукација и подигнување на свесноста кај оваа група, во соработка со Здружението на лица со дијабет од Охрид. Целта на оваа иницијатива е лицата со дијабет подобро да ја разберат и усовршат својата исхрана, како и да стекнат практични знаења за одржување на здравјето.
Во рамките на поддршката, се реализираа повеќе едукативни активности на кои членовите на здружението имаа можност да се запознаат со улогата на Баланс+ во подобрувањето на дигестивното и метаболичкото здравје – два клучни фактори за лицата со дијабет.
Баланс+ содржи внимателно избалансирана формула со пробиотици, протеини, калциум и пребиотици, кои придонесуваат за правилно функционирање на организмот и одржување на дигестивната рамнотежа. Овие својства го прават производот особено корисен за лицата со дијабет, кај кои е важно да се постигне стабилен и здрав метаболизам. Со тоа, Баланс+ претставува практична поддршка во секојдневното управување со исхраната и внесот на хранливи материи.
Во партнерство со здруженијата на лица со дијабет, Бимилк активно работи на едукација и зголемување на свесноста за важноста на функционалните производи во секојдневната исхрана. Целта е да се покаже дека со информирани избори може да се живее квалитетен живот во рамнотежа.
Едукацијата за влијанието на исхраната и свесноста дека постојат здрави, достапни и функционални избори е клучна во создавањето на долгорочни здрави навики. Токму тука, Баланс+ и здруженијата на лица со дијабет го споделуваат заедничкото мото: „Грижата за себе започнува со информиран избор.“
„За лицата со дијабет, правилната исхрана е темел на здравјето. Производи како Баланс+ се од особено значење затоа што нудат природна поддршка за одржување на рамнотежата на организмот и се одличен избор за секојдневна употреба. Со поддршката од Бимилк, успеваме да ја засилиме едукацијата на нашето членство и да обезбедиме практични знаења за подобра исхрана и подобро здравје,“ изјави Димче Каневче, претседател на Здружението на дијабетичари од Охрид.
На едукативниот Семеен камп „Живот во рамнотежа“ учествуваа 20 претставници од здруженија на лица со дијабет од општините Охрид, Ресен, Битола, Демир Хисар, Кавадарци, Неготино, Радовиш и Скопје. Во Македонија има повеќе од 120.000 лица со дијабет, за кои достапноста и свесноста за соодветни и квалитетни производи се од исклучителна важност.
Преку Баланс+, Бимилк ја демонстрира својата долгорочна посветеност да создава производи кои не само што се вкусни и достапни, туку и помагаат во зачувување на здравјето и рамнотежата кај сите, особено кај оние кои живеат со дијабет.
