Магазин

Дневен хороскоп за петок – 7 ноември: Ова не е ден за опуштање, неколку знаци ги очекуваат сериозни предизвици!

ОВЕН
Не се опуштајте премногу, дури и ако мислите дека имате целосна контрола над ситуацијата. Можно е личност од која најмалку очекувате да ве изненади и да ве стави во непријатна положба. Денот не е идеален за добивки, но е добар за да се заштитите од загуби.

БИК
Сè што е поврзано со учење или нови деловни проекти денес носи можности. Прифатете нови предизвици и не двоумете се да прашувате – така ќе покажете вистински интерес и ќе стекнете поддршка, особено од поискусна личност.

БЛИЗНАЦИ
Не дозволувајте емоциите да ве наведат да реагирате импулсивно. Бидете искрени, но и смирени – така ќе покажете стабилност. Промените ќе бидат неизбежни, иако можеби нема да ви се допаднат, па затоа најдете начин да се прилагодите.

РАК
Избегнувајте нагли реакции и критики кои можат да се сфатат погрешно. Ако нешто не одобрувате, кажете го отворено – молчењето само ќе создаде забуна. Искреноста ќе ви помогне да видите јасно што е вистински важно.

ЛАВ
Обидете се да не се преоптоварувате – денес е подобро да направите помалку, но со повеќе мир. Посветете внимание на семејството и најблиските, покажете им дека ви значат. Организирајте нешто што ќе ве опушти и ќе ве наполни со позитивна енергија.

ДЕВИЦА
Ќе бидете исполнети со енергија и ентузијазам, особено во активности што носат напредок. Продолжете со плановите, но оставете простор за учење и истражување. Не се плашете од успехот – заслужено ве очекува.

ВАГА
Сè оди според планот, но избегнувајте да се потпирате на туѓи идеи или заслуги. Верувајте во себе и во сопствените ставови. Ако сакате да оставите впечаток на работното место, променете нешто во пристапот – свежината ќе ви донесе успех.

ШКОРПИЈА
Ќе ве инспирира личност со силна креативна енергија. Прифатете нови проекти, но останете реални и внимателни во проценките. Важно е да знаете точно што сакате и каде се движите.

СТРЕЛЕЦ
Љубовта и емоциите денес можат да ве одведат во погрешна насока, затоа држете се до вашата визија. Сега не е време за ризични одлуки, туку за стабилност и фокус. Дури и ако се сомневате во себе, не го покажувајте тоа – самодовербата е вашата најсилна алатка.

ЈАРЕЦ
Иако сè изгледа под контрола, бидете внимателни – искреноста е клучна. Ако нешто сте премолчале или погрешно прикажале, време е да го исправите. Со отворен пристап ќе избегнете недоразбирања и ќе добиете нова шанса.

ВОДОЛИЈА
Ќе бидете чувствителни и под влијание на околината. Не дозволувајте емоциите да ве совладаат – подобро е да се повлечете и да размислите што навистина чувствувате. Верувајте во својата интуиција, таа ќе ве насочи правилно.

РИБИ
Избегнувајте остри зборови и прекумерна критика. Денес е ден за трпение и умереност. Оставете ги работите да се развиваат по свој тек – првичниот впечаток може да биде измамен, па затоа набљудувајте внимателно пред да реагирате.

Магазин

Маестро Наум Петрески денес го слави својот роденден – легенда на македонската фолк музика

Еден од највпечатливите и најавтентични гласови на македонската фолк сцена, Наум Петрески, денес го одбележува својот роденден. Роден на 7 декември 1966 година во Охрид, Петрески израснал во Лабуништа – местото кое силно влијаело врз неговата музичка идентификација и врз љубовта кон македонското фолклорно наследство.

Музичката приказна на Наум започнува уште во детството, а првиот јавен настап го имал на само седум години, претставувајќи ја Македонија на меѓународна фолклорна смотра во Загреб. Професионално во музиката влегува во 1990 година, а само една година подоцна го постигнува еден од најголемите успеси во историјата на Валандовскиот фестивал со песната „Има ли песна“, освојувајќи четири награди – од публика, жири, за интерпретација и награда за најдобар дебитант.

Својата кариера ја гради со бројни фестивалски настапи, концерти и турнеи ширум светот. Добитник е на десетици признанија, благодарници и плакети, а неговите песни одамна се дел од македонскиот музички идентитет. Меѓу најпознатите се „Жал за Деспина“, „Има ли песна“, „Лазарополе“, „Љубов голема“ и многу други.

Петрески има остварено значајни дуети со некои од најголемите имиња на македонската музика – Виолета Томовска, Есма Реџепова, Сузана Спасовска, Росана Тодоровска, Зуица Лазова, па дури и со неговата ќерка Анастасија Петреска.

Еден од најзначајните проекти во неговата кариера е „Македонска чалгија“, во кој учествувал со 45 песни на шест албуми. Настапувал и на престижни настани во странство, меѓу кои отворање на македонски културни центри и настап во Сиднејската опера.

До денес има издадено две касети и три студиски албуми, како и заедничко издание со етно групата Синтезис. Неговите солистички концерти, од првиот во 1992 година до последниот во 2022, секогаш предизвикуваат огромен интерес.

Наум Петрески е оженет со фолк пејачката Зуица Лазова, со која живее во Скопје.

Редакцијата му посакува долг живот, здравје и уште многу убави песни што ќе ја збогатуваат македонската музичка традиција.

Магазин

Овие 4 хороскопски знаци ќе го зголемат приходот најмногу во 2026 година

Нова година носи нови можности и конкретни резултати за оние кои вложиле труд, знаење и трпение. Некои хороскопски знаци веќе на почетокот на 2026 година ќе почувствуваат раст на приходите, проширување на бизнисот или пари од неочекувани извори. Овие знаци можат да сметаат на стабилна финансиска година и на прилика да ги наплатат своите идеи.

Бик

2026 година за Биковите носи материјална сигурност каква што посакувале. Нивната упорност, трпение и прагматичност конечно ќе се исплатат. Ѕвездите ги поттикнуваат кон раст преку стабилни извори на приход – работа, недвижнини или инвестиции. Бикот може да постигне повеќе отколку што очекувал.

Јарац

Јарците продолжуваат по растечка патека. Од јануари нивната работа ќе им се исплати повеќекратно, со можни унапредувања, покачувања или сопствени проекти кои носат заработка. Клучот е во упорноста и професионалноста, во што Јарацот блеска.

Шкорпија

За Шкорпиите се отвораат нови врати. Пари можат да дојдат од неочекувани извори – хонорарна работа, инвестиции или наследство. Долго вложуваните напори конечно ќе бидат наплатени, а Шкорпијата ќе знае мудро да вложи и паметно да заработи.

Овен

Овните ќе покажат храброст во финансиските одлуки. Иако обично импулсивни, оваа година делуваат стратешки. Наградите доаѓаат брзо преку бизнис проекти, дополнителни приходи и личен развој. Нивната заработка ќе расте во бранови, но ќе биде конкретна и мотивирачка.

Магазин

Одложен настап: Што се случи со Џејла Рамовиќ во Македонија?

Популарната босанска пејачка Џејла Рамовиќ синоќа не се појави на закажаниот настап во еден од познатите скопски локали. Организаторите соопштија дека настапот е одложен, а причината, како што се наведува, е последица од инцидентот што се случи на 1. декември во Кичево.

Тогаш, Рамовиќ била задржана од полицијата за време на акциска контрола, откако инспекторите утврдиле дека настапува без соодветни документи за работа. Пејачката потоа истакна дека сите документи биле правилно доставени до организаторот и дека прекинот се случил поради пропуст на организаторот, а не од нејзина страна.

„Сакам да нагласам дека од моја страна и од страна на мојот бенд, сите потребни документи и дозволи за настапот во Кичево беа правилно подготвени и доставени до организаторот. Македонија е земја што многу ја сакам и секогаш сакам да се враќам“, изјави Рамовиќ.

Слична ситуација се случи и со српскиот пејач Аца Лукас во Кавадарци, а низ медиумите кружи и информацијата дека е откажан и концертот на Наташа Беквалац во Штип закажан за 27 декември, поради политички дискусии околу настанот.

Организаторите соопштија дека наскоро ќе објават нов датум за скопскиот настап на Џејла Рамовиќ.