Свет

Нов потрес во Украина, во центарот на истрагата и наводниот најдобар пријател на Зеленски: „Избегал пред доаѓањето на агентите“

Киев, 10 ноември 2025 – Украинскиот Национален биро за борба против корупција (NABU) изврши претреси во домовите на министерот за правда Херман Галушченко, кој претходно беше на чело на Министерството за енергетика, и на Тимур Миндиќ, поранешен бизнис-партнер и близок пријател на претседателот Володимир Зеленски, како и сопственик на продукциската куќа „Квартал 95“.

„NABU и Јавното обвинителство (SAPO) ја спроведуваат Операција Мидас – 15 месеци истрага, повеќе од 70 претреси, со учество на сите истражители од NABU“, изјави Олександр Абакумов, шеф на Главната истражна единица на NABU, пренесува Kyiv Post. Според него, операцијата ја разоткрила високорангирана криминална организација која дејствува во енергетскиот и одбранбениот сектор, вклучувајќи случаи на корупција, перење пари и незаконско збогатување.

Миндиќ, кој се смета за еден од најблиските соработници на Зеленски од времето пред претседателската функција, го напуштил Украина само неколку часа пред претресот, а медиумите јавуваат дека сега се наоѓа во Австрија. Претреси беа извршени и во домот на Галушченко и во канцелариите на поранешната компанија „Енергоатом“, која управува со сите нуклеарни електрани во Украина.

Галушченко има долга кариера во државната администрација, вклучувајќи работа во Државното обвинителство и Министерството за надворешни работи, а од 2021 година е министер за енергетика, а неодамна назначен и за министер за правда. Миндиќ, бизнисмен и филмски продуцент, бил поврзан со олигархот Игор Коломојски и е дел од бизнис-кругот на Зеленски од претходните години.

Претседателот Зеленски изјави дека сите вклучени во корупциската шема ќе одговараат пред законот и дека „Енергоатом“ ќе биде ослободен од корупција. „Секој што учествувал во оваа шема мора да добие јасен правен одговор и казнени пресуди. Прозрачноста во компанијата и во енергетскиот сектор е приоритет“, порача Зеленски.

Антикорупциската агенција соопшти дека истражува енергетски сектор со систем на поткуп вреден 100 милиони долари, додека Украина се подготвува за зима, при што енергетскиот сектор се соочува со редовни прекини и напади од Русија. „Се работи за високорангирана криминална организација, во која се вклучени поранешен советник на министерот за енергетика, шеф на безбедноста на „Енергоатом“ и четворица вработени“, наведува агенцијата.

„Енергоатом“ управува со три нуклеарни електрани кои обезбедуваат повеќе од половина од електричната енергија во Украина.

Свет

Нов бран напади: Украина под силен оган, Полска активира борбени авиони

Русија утрово изведе масовен ракетен и дрон-напад врз повеќе украински градови, при што повредени се најмалку три лица во Киевската област.

Украинското воено воздухопловство соопшти дека биле лансирани ракети и десетици дронови кон регионот на главниот град, поради што низ целата земја се огласија сирени за воздушна опасност. Напади беа регистрирани и во Лавовската област, додека руските сили дејствувале во повеќе последователни бранови.

Последната серија ракети била забележана непосредно пред 7 часот утрово, а експлозии одекнале во Полтава, Луцк, Одеса и Запорожје.

Гувернерот на Киевската област, Никола Калашник, информира дека 42-годишен маж бил повреден во Фастив, каде украинските железници пријавија „масовно гранатирање на железничката инфраструктура“. Во Вишгородската област биле повредени уште две жени на возраст од 46 и 40 години, од кои едната е хоспитализирана.

Градоначалникот на Луцк, Игор Пољишчук, соопшти дека биле зафатени од пожар повеќе складишта за храна.

Полска реагираше на ескалацијата – полското воено воздухопловство објави дека подигнало борбени авиони за заштита на својот воздушен простор за време на повеќечасовниот напад на западна Украина.

Овој напад следи по украинските операции изминатите денови, кога дронови погодија важни руски енергетски објекти, меѓу кои пристаништето Темрјук во Краснодар и рафинеријата во Сизран, пренесе „Киев Индепендент“.

Свет

ТАЈНИ СНИМКИ: Дали Русија ќе остане без своите пари?

Европските лидери му ставиле до знаење на украинскиот претседател Володимир Зеленски дека токму тие имаат последен збор во одлуките за замрзнатите руски средства, објави „Киев Индепендент“, повикувајќи се на транскрипт до кој имал ексклузивен пристап.

Во разговорот меѓу германскиот канцелар Фридрих Мерц, францускиот претседател Емануел Макрон и претседателката на Европската комисија Урсула фон дер Лајен, лидерите нагласиле дека Европа сама ќе го контролира процесот околу репарацискиот заем за Украина и дека токму ЕУ е единствено одговорна за управувањето со руските имобилизирани средства.

Според истите информации, САД наводно лобирале кај европските земји да ги блокираат плановите за позајмување пари на Киев, што уште повеќе ја вжештило атмосферата во разговорот.

Транскриптот открива дека европските лидери недвосмислено му порачале на Зеленски дека одлуките околу руските средства ќе ги носи исклучиво Европа – без притисоци, без надворешно мешање и без прекинување на веќе дефинираниот план.

Свет

Огромен пожар под авион во – 169 патници во панично бегство по тобоганите!

На меѓународниот аеродром во Сао Пауло, најголемиот во Бразил, избувна пожар кој предизвика драматична евакуација на 169 патници од авион на Latam Airlines, соопшти авиокомпанијата. Инцидентот се случил во четврток навечер, непосредно пред летот кон Порто Алегре.

Пожарот зафатил надворешна опрема на пистата во моментот кога авионот се подготвувал за полетување. Поради густиот чад, активирани биле сите безбедносни протоколи, а патниците излегле преку приклучните мостови и по тобоганите за итни случаи.

Од Latam уверуваат дека нема повредени и дека ситуацијата била брзо ставена под контрола. Снимките на социјалните мрежи покажуваат пламен непосредно под авионот и патници кои се спуштаат по тобоганите во ноќната темница.

Според авиокомпанијата, 159 патници биле успешно префрлени и стигнале во Порто Алегре следното утро, додека 10 биле пренасочени на други летови или превезени по земја.

Аеродромскиот оператор GRU Airport објави дека заради инцидентот, полнењето гориво на другите авиони било стопирано на 10 минути.

Latam посочи дека пожарот започнал од опрема на подизведувач задолжен за товарење на авионот Airbus A320, а истрагата за причините продолжува.