Црна Хроника

Проширена истрага во „Железара“: под истрага и полициски службеник

Основното јавно обвинителство Скопје ја прошири истрагата за кражбата на кабли и оштетувањето на јавните инсталации во фабриката „Железара“, при што под сомнение е опфатен и полициски службеник од МВР.

Според обвинителството, против полицискиот службеник е донесена наредба за спроведување истражна постапка поради основано сомнение за тешка кражба, со што се сомничи дека бил соизвршител заедно со тројцата лица кои пред десетина дена беа обвинети.

Досегашните сознанија покажуваат дека групата крадела високоенергетски и среднонапонски кабли од објектот на „Полуконти – ИГМ“ и од подземните тунели во „Железара“, кои ја снабдуваат со електрична енергија компаниите АД ЕСМ – Подружница Енергетика Скопје и Макстил АД Скопје. Вредноста на украдените кабли се проценува на околу 440.000 евра.

Осомничените, откако со апарат проверувале дали каблите се под напон, ги сечеле со батериска брусалка и ги складирале до влезот на тунелите. На 9 април, поради нивните дејствија, избувнал пожар во трафостаницата ТС „Југ“, предизвикувајќи дополнителна штета од над 100.000 евра, а поради дефектите биле нарушени планираното производство и дистрибуција на електрична енергија, со уште околу 60.000 евра загуби.

Јавниот обвинител побара од судијата на претходна постапка во Основниот кривичен суд Скопје да им биде определена мерка притвор на новоосомничениот полициски службеник, како и на неговите тројца соизвршители, кои веќе се во притвор поради опасност од бегство, влијание врз сведоци и можност за повторување на делото.

Црна Хроника

Во Тетово уаспени 3 лица – Полицијата со детали

На 04.12.2025 во 16:45 часот на регионален пат Тетово-с.Волковија, полициски службеници од СВР Тетово ги лишија од слобода В.Т.(41) од Тетово, Ј.А.(41) и Џ.А.(28), двајцата од Дебар, затоа што кај нив е пронајдена и одземена бела прашкаста материја. Тие се задржани во полициска станица и по документирање на случајот ќе биде поднесен соодветен поднесок.

Црна Хроника

Трагедија во Огњанци: 19-годишно момче пронајдено починато во својот дом

Вчера попладне беше пронајдено безживотно тело на 19-годишен млад човек во неговиот семеен дом.

Министерството за внатрешни работи (МВР) информира дека веста за трагедијата е пријавена во СВР Скопје околу 15:38 часот. Засега неразјаснетите околности доведоа до ненадејна смрт на младиот Р.О. од скопското село Огњанци.

Веднаш по пријавата, на местото на настанот пристигнала екипа на Итна медицинска помош. Според полицискиот извештај, лекарот можел само да констатира смрт.

„По извршениот увид и укажаната лекарска интервенција, констатирана е смрт без видливи повреди, а по наредба на јавен обвинител телото е предадено на обдукција,“ соопштија кратко од МВР, додавајќи мистерија на случајот.

Иако на телото не биле забележани траги од насилство, јавниот обвинител наредил обдукција за да се расветлат причините за овој трагичен крај.

Случајот останува отворен и интензивно се истражува со цел да се добие одговори на прашањето што го згасна животот на 19-годишникот во семејниот дом.

Црна Хроника

Кривична пријава против директорка – МВР со детали

СВР Штип – ОВР Делчево, до Основното јавно обвинителство Делчево, поднесе кривична пријава против Д.Ц.(53) од Делчево поради постоење основи на сомнение за сторено кривично дело „фалсификување исправа“ по член 378 од Кривичниот законик. Пријавената, на 01.06.2023 набавила фалсификуван тест за познавање на аглиски јазик од Бугарија и на 29.06.2023 го доставила во прилог на документите по јавниот оглас за избор на директор на средното училиште „Методи Митевски Брицо“ во Делчево.

Врз основа на приложените документи, комисијата констатирала дека Д.Ц. ги исполнува условите предвидени во јавниот оглас, а по изготвениот записник бил доставен предлог до градоначалникот на општина Делчево таа да биде избрана за директор. Врз основа на доставениот предлог, на 12.07.2023 градоначалникот на општина Делчево изготвил решение со кое пријавената била избрана за директор на училиштето.